Drejtoresha e Qendrës Sociale në Berat është arrestuar nga policia. 50-vjeçarja Tatjana Toska, e cila akuzohet për korrupsion pasiv dhe mashtrim është vënë në prangat e policisë.
Gjykata e Beratit ka dhënë masën e sigurisë “arrest me burg” për 50-vjeçaren.
Artur Mejdani denoncoi më 2 tetor në emisionin “Stop” sesi u detyrua t’i jepte 2 milionë lekë të vjetra administratores Tatjana Toska, për një vend pune shofer në Shoqatën Kombëtare “Për mirëqënie dhe përkujdesje sociale”.
Por pas disa muajsh, veç parave të marra kredi, Arturi nuk merrte as rrogën.
Njoftimi i policisë
Nga Specialistët e Seksionit për Hetimin e Krimit Ekonomik & Financiar u bë ndalimi i shtetases së shpallur në kërkim: Tatjana Toska, 50 vjeçe, banuese në lagjen “30 Vjetori”, Berat.
Ndalimi i saj u bë pasi Gjykata e Shkallës së Parë Berat, me vendimin Nr. 24 datë 26.10.2018, ka caktuar masën e sigurisë “Arrest me burg”, e dyshuar për veprat penale, “Korrupsion pasiv në sektorin privat” dhe “Mashtrim”, parashikuar nga nenet 164/b dhe 143/2 i Kodit Penal.
(E.K/FAXWEB.AL)
Discussion about this post