Një ndikim i pashembullt, i menjëhershëm madje. Kështu thonë shifrat dhe faktet për Cristiano Ronaldon te Juventus, i cili e filloi ngadalë por nuk zhgënjeu me arritjet dhe statistikat e tij.
Pavarësisht mungesës së golit në tre ndeshjet e para me Juventus në Seria A, klubi bardhezi festoi shifrat e arritur nga sulmuesi portugez me një postim në Twitter duke treguar të gjithë arritjet e tij deri më tani me kampionët e Italisë.
Sulmuesi ka marrë pjesë në 11 gola për Juventus, 7 gola dhe 4 asist, këto shifra deri në muajin nëntor nuk i kishte arritur që nga sezoni 2014-15 në La Liga kur ishte pjesë e Real Madrid. Gjithashtu Ronaldo ka bërë 32 gjuajtje drejt portës, i gjithë Juventus ka provuar në 69 në raste, kjo korrespondon me 46% të gjuajtjeve të të gjithë ekipit, shkruan SP.
JuventusFC✔@juventusfcen
Së fundi, ai ka tentuar të gjejë golin duke gjuajtur në 78 raste, 25 herë më shumë se çdo lojtar tjetër në Seria A. Këto shifra e bëjnë atë superior ndaj lojtarëve më të mëdhenj në historinë e Juventus, të cilët nuk kanë arritur të bëjnë më mirë se ai, duke filluar me Baggio e përfunduar me Higuain, duke kaluar përmes Inzaghi e Trezeguet.
Juve-Cagliari, CR7 nga minuta e parë
Cristiano Ronaldo është i aftë, ai është i qetë dhe nuk dëshiron të humbasë një ndeshje të vetme. Massimiliano Allegri gjithashtu do të jetë i kënaqur këtë herë: kundër Cagliarit nesërmbrëma do të fillojë përsëri nga minuta e parë. Një mundësi tjetër, prandaj, për të rinovuar dhe përmirësuar këto shifra që konfirmojnë një nga lojtarët më vendimtar në botë.
Discussion about this post