Ish-presidenti Alfred Moisiu gjatë një interviste televizive ka deklaruar se gjatë kohës kur ishte president ka pasur raste të ngjashme me presidentit Ilir Meta i cili nuk dekretoi ministrin Sandër Llleshi.
Moisiu u shpreh se ka refuzuar të firmosë për dy ministra në qeverinë e ish kryeministrit Fatos Nano dhe për një ministër të ish kryeministrit Sali Berisha.
Mosiu theksoi faktin se ështe i rëndësishëm bashkëbisedimi ndërmjet palëve, par midis presidentit dhe kryeministrit për një zgjidhje më të mirë.
“Tani para se të them se si ka vepruar presidenti Meta me Sandër Lleshin, do të them se çfarë bërë unë në këto raste. Kam pasur dy raste me Nanon dhe Berishën. Pata vërejtje për dy ministra, që më propozoi Fatos Nano, nisur nga problematikat që ishin krijuar në atë kohë. Nano i tërhoqi ministrat dhe për mua problemi mbeti i ezaurar.
Me Berishën pata vërejtje në bazë të informacioneve që kisha unë për një ministër të propozuar. Berisha më ofroi argumentat dhe unë e dekretova dhe i thashë se ju e merrni përgjegjësinë!
Për mua s’ka asnjë pengesë për të dekretuar Sandër Lleshin. Unë kam qenë në dy raste gati për të refuzuar, por pasi jemi sqaruar me kryeministrat i kam dekretuar.
Shkëmbyem mendime dhe i konsumuam gjërat. Në mënyrë që asgjë të mos mbetet në errësirë. Nuk është diçka formale. Këto gjëra duhen kosumuar midis kryeministrit dhe presidentit.” u shpreh ish presidenti Moisiu tek Open.
(M.Q/Faxweb.al)
