Kreu i PBDNJ-së Vangjel Dule ka shkuar në Bularat për të marrë pjesë në ceremoninë e varrimit të Kostandinos Katsifas.
Së bashku me Vangjel Dulen është dhe deputeti i partisë greke Nea-Demokracia, Νikola Giogiakas.
Dule ka kërkuar që të respektohet ky moment, ndërsa ka shtuar se rrethanat e ngjarjes ku mbeti i vrarë Katsifas duhet të sqarohen.
Në sheshin e fshatit janë vendosur flamuj grekë dhe banderola të shumta, ku Katsifasit i janë kënduar edhe këngë trimërie.
“Katsifa ti jeton tin a udhëheq”, “Maqedonia Qipro dhe Vorio-Epiri janë bashkë. Greqia eshte këtu”, “Hellas, Hellas na mbro dhe ne”, ishin disa nga thirrjet e nacionalitëve grekë ku nuk kanë munguar edhe thirrjet antishqiptare.
Eurodeputetja qipriote ka mbërritur paraditen e së enjtes në shtëpinë e Kostandinos Kacifas, në fshatin Bularat të Gjirokastrës.
Theocarus ka deklaruar disa ditë më parë se çështjen e Kacifas do ta dërgonte në Parlamentin Evropian.
“Ai mund të arrestohej, por u vra. U ekzekutua nga policia shqiptare”, pati thënë eurodeputetja.
Në orën 13:00 do të mbahet mesha në kishën e fshatit.
(B.H/Faxweb)
Discussion about this post