Ka vijuar me provokime të shumta nga ana e pjesëmarrësve në funeralin e Konstantinos Katsifas përcjellja e trupit të tij për në banesën e fundit.
Një nga thirrjet më provokuese që është përdorur në këtë ecje gjatë qendrës së fshatit Bularat ka qenë ajo: ’’Gjaku në thërret të djegim shqiptarin, zjarr kundër qenve shqiptarë”.
Po ashtu gjatë kësaj ceremonie janë përdorur dhe shprehjet që Maqedonia është Greqi.
Kortezhi me trupin e 35-vjeçarit është nisur drejt kishës, udhëhequr nga ekstremisti i Agimit të Artë Babis Karathanos, i cili mban në dorë dhe një flamur grek.
Po ashtu ka pasur një sërë akuzash për gazetarët shqiptarë të cilët janë të pranishëm sot në Bularat, duke i quajtur ata të poshtër.
Në këtë ceremoni mësohet se janë të pranishëm rreth 1 mijë persona, një pjesë e të cilëve kanë mbërritur që në orët e para të mëngjesit nga Greqia.
Ashtu siç ndodhi gjatë ditës së djeshme, edhe sot fytyra e Katsifas ishte lënë zbuluar, ndërsa ishte i veshur me rroba ushtarake.
Katsifas u vra nga ana e policisë në datën 28 Tetor, pasi gjuajti me kallash në drejtim të policisë së Gjirokastrës dhe më pas nuk iu përgjigj thirrjeve për t’u dorëzuar.
(E.K/FAXWEB.AL)
Discussion about this post