Anëtari i Këshillit Bashkiak në Tiranë, Fabian Topollaj, i ftuar në studion e emisionit “Natë me Xhaxhiun”, ka hedhur lumë akuzash ndaj kryebashkiakut Eriaon Veliaj. Sipas tij, maxhoranca po i heq Këshillit Bashkiak, të drejtat dhe detyrat që ka.
Teksa tha se Veliaj ka kapur mediet dhe drejtësinë, çka ka bërë që anëtarët e opozitës në këshill të bojkotojnë punimet e tij, shtoi se ai ishte i mendimit për një akt më ekstrem, atë të djegies së mandatit.
“Personalisht jam për një akte edhe më të fortë sesa bojkotimi i Këshillit Bashkiak, ndoshta edhe grisjen e mandateve. Arsyeja është shumë e thjeshtë, sepse ne kemi marrë një votë për të përfaqësuar qtetarët brenda sallës. Nëse e vëmë re në 3-4 mbledhjet e fundit, opozitës nuk i është dhënë fjala, dhe nëse i është dhënë ndonjëherë ajo i është ndërprerë, duke i thënë se je jashtë teme.
Erion Veliaj është shembulli i kapjes së sistemit. Një njeri që asetet e Tiranës i ka kthyer në shërbim të interesit personal. Ai ka të tijat një pjesë të mirë të medieve. Nga një anë brenda sallës së Këshillit nuk përfaqësojmë interesin e qytetarëve, nga ana tjetër çdo opozitar që flet kundër Bashkisë ndëshkohet, e nga ana tjetër mediet janë kapur nga Veliaj.
Ndonëse Gjykata është shpresa e çdokujt për drejtësi, sëruish disa akte që unë vetë i kam çuar në gjakatë, jam dëshmitarë i vendimeve të tyre arbitrare”, – tha ndër të tjera Topollaj.
I pyetur se përse ai nuk e ndërmerrte këtë akt vetë, u shpreh se ai jo vetëm që e ka menduar këtë, por është gati ta bëjë fakt të kryer, por e pengon gjyqi ndaj Bashkisë, që e ka bërë si anëtar Këshilli.
(B.B/ Faxweb.al)
Discussion about this post