Pas tre vjetësh Konstantinos Katsifas do të varroset si hero pranë varrezave të ushtarëve grekë, ky është informacioni më i fundit që vjen nga Greqia nga ana e gazetarit Shpëtim Zinxhiria. Sipas gazetarit Katsifa është cilësuar si hero në Greqi, dhe në vendin ku ai u vra do të ndërtohet edhe një kishë.
‘’Dje në parlamentin grek është bërë një diskutim lidhur me vrasjen e Katsfifas,ka qenë një ish-ministre e punës ajo që ka reaguar ashpër kundër ekstremistëve grekë, ku është shprehur se ngjarja ka qenë e karakterit fashist. Agimi i Artë ka detyruar Parlamentin që të mbaje një minutë heshtje gjatë ditës së sotme.
Të gjitha mediat e kanë trajtuar ngjarjen në Shqipëri, duke iu referuar videove të Fax Neës. Rama është quajtur provokator për reagimin që ka pasur pas varrimit. Kristo Papas e ka quajtur Ramën një idiot, që nuk e di se çfarë flet.
Katsifa është quajtur hero dhe sipas informacioneve që unë kam pas tre vitesh ai do të varroset në varrezat e ushtarëve grekë në Këlcyrë, dhe te vendi ku ai u vra do të ngrihet një Kishë.
Tre deputetët shqiptarë që ishin dje në Bularat treguan fytyrën e tyre të vërtetë. Unë sot zbulova 5 vrasje të tjera të shqiptarëve, të pesta nga Policia greke. Duke ditur që ne kemi 120 incidente me Greqinë, ne shkojmë dhe ndërtojmë varrezat e ushtarëve grekë në tokën shqiptare”, u shpreh Zinxhiria.
(E.K/FAXWEB.AL)
Discussion about this post