Qeveria Rama ka vendosur që të paraqesë sot në Gjykatën Kushtetuese, mosdekretimin që presidenti i vendit Ilir Meta i bëri Sandër Lleshit, duke kërkuar konsultim.
Kërkesa për interpretimin e Kushtetutës u paralajmërua pak ditë më parë edhe nga vetë Edi Rama, i cili vlerësoi se është e nevojshme që të shmangen precedentët me presidentët e tjerë, pasi, siç është shprehur ai, me Ilir Metën është i bindur se do të kuptohen.
Edhe pse kjo Gjykatë është prej muajsh jashtë funksionit për shkak se një pjesë e mirë e anëtarëve të saj nuk kaluan Vetingun, apo u ka mbaruar mandati, Rama ka vendosur që të çojë deri në fund lojën e nisur me Metën. Aktualisht kjo Gjykatë ka vetëm 2 antarë nga 9 që duhet të ketë gjithsej.
Presidenti ka një mundësi të dytë për të dekretuar Lleshin, pasi prej të shtunës në zyrën e tij qëndron një rikërkesë e kryeministrit të vendit për të dekretuar ministrin e ri të brendshëm.
Përplasja mes dy institucioneve të shtunën ka vijuar, ku me dy deklarata për mediat janë shprehur Tedi Blushi dhe Endri Fuga, këshilltarët për mediat e Presidentit dhe kryeministrit.
Blushi u shpreh se Presidenti i vendit po konsultohet me disa institucione të vendit për ccështjen Lleshi, ndërsa Fuga u shpreh se kryeministria është gati për të dhënë ccdo informacion që i duhet Metës për t’u bindur.
(E.K/FAXWEB.AL)
Discussion about this post