Pas anulimit të testimit për gradën e Komisarit, nga Drejtori i Përgjithshëm i Policisë së Shtetit Ardi Veliu dhe mungesës së ridhënies së testit gjatë as ditën e djeshme, ka reaguar edhe Shërbimi për Çështjet e Brendshme dhe Ankesat.
Burime bëjnë me dije se SHÇBA ka referuar një material për “shpërdorim detyre” në Prokurorinë e Tiranës. Ndërsa nuk saktësohet nëse materiali i referuar ka të bëjë me shkeljet e pretenduara gjatë procesit të konkurrimit, me shpërdorimin e detyrës nga ndonjë oficer, apo me vetë procedurën e ndjekur nga kreu i Policisë së Shtetit për anulimin e konkursit.
Të njëjtat burime bëjnë me dije se ky kallëzim është pa emra konkretë, ndërsa Prokuroria është në fazë verifikimi për të konstatuar nëse ka elementë të veprës penale apo jo.
(B.B/ Faxweb.al)