Drejtori i Përgjithshëm i Burgjeve, Stefan Çipa, ka zhvilluar një vizitë në Burgun e Burrelit.
Burime bëjnë me dije se vizita nga Çipa është bërë në orën 15:00, ndërsa mësohet se ai është takuar me të burgosurit e të gjithë sektoreve si ato me dënim të përjetshëm dhe ato me dënim nga 25 deri në 35 vite burg, ku ka biseduar për përmirësimin e kushteve të tyre.
Ndërkohë për shkak të mbipopullimit të burgut dhe kushteve të këqija, 18 të dënuar në burgun e Burrelit u futën në grevë urie.
Burime bëjnë me dije se mbrëme 7 prej të burgosurve që ishin në grevë urie janë transferuar, ndërsa nuk dihet se në cilin burg.
Po kështu dhe Institucioni i Avokatit të Popullit bëri me dije se prej të paktën tre vjetësh janë konstatuar kushtet e papërshtatshme të këtij institucioni, ndërsa është kërkuar edhe mbyllja e tij. Sipas AP-së të dënuarit hasen me kushte të vështira dhe aspak të përshtatshme për kryerjen e funksioneve të veta në mënyrë dinjitoze.
(B.B/ Faxweb.al)
Discussion about this post