U dorëzua në polici, zbardhet dëshmia e mikut të Ervin Matës: Isha në lokal, dola sapo…

Është zbardhur dëshmia e Aleks Boshnjakut, i cili u dorëzua dje në Polici, pasi ishte në kërkim si i përfshirë në ngjarjen e 4 Tetorit në Bllok, ku një person mbeti i vrarë dhe dy të tjerë u plagosën.

Boshnjaku është identifikuar si person i afërt me grupin e Ervin Matës, të dashurin e këngëtares Elvana Gjata.

Boshnjaku në polici: Jam dorëzuar pas qartësimit të pozicionit tim në konflikt. Nuk kam asnjë lidhje me ngjarjen dhe nuk kam konflikte me asnjërën palë, as me Martinajn dhe as Matën. Isha në lokal, por dola sapo sherri filloi.

Ndërkohë që për ngjarjen vijon të jenë në kërkim Ervin Mata, Merviol Bilo si dhe këngëtarja Elvana Gjata.

Nga ana tjetër gjykata ka dhënë masën e arrestit me burg pa afat për Ervis Martinajn dhe Eljon Haton, të cilët të dy kanë mbetur të plagosur në ditën kur ndodhi ngjarja në Bllok.

(E.K/FAXWEB.AL)