Pak ditë më parë në zonën e Vlorës, punonjësi i “Superstar BW” Ali Gropa humbi krahun e tij në punë, ngjarje e cila u mbajt e fshehtë nga ana e Policisë.
Policia e Vlorës u mjaftua me një njoftim të thatë duke thënë se punëtori ishte duke punuar në puset e naftës, po asnjë detaj tjetër lidhur me rrethanat e kësaj ngjarje, dhe asnjë hetim nuk ka pasur as nga ana e prokurorisë.
Ka qenë ish-kryeministri Berisha ai që ka publikuar dje një denoncim për fshehjen e ngjarjes, ndërsa sot ka qenë Fax News ai që ka kërkuar informacione në spitalin e Traumës në kryeqytet. Gazetari Sokol Dema raporton se Gropa ndodhet ende i shtruar në spital, dhe se ngjarja në kartelën e tij është fshehur, duke mos e raportuar si një aksident në punë.
Ca më tej sipas burimeve, Prokuroria nuk ka ndërmarrë asnjë hetim ndaj kompanisë Albpetrol, për kushtet e sigurisë që aplikohen në punë.
Njoftimi i policisë i dhënë në datën 24 Nëntor:
Më datë 24.11.2018, rreth orës 11:50, në Spitalin Rajonal Vlorë ka shkuar i dëmtuar shtetasi A.G, 48 vjeç, banues në Patos, Fier.
Nga hetimet paraprake dyshohet se ky shtetas ka dëmtuar rëndë me mjet prerës njërin krah duke punuar në ndërmarrjen e naftës në fshatin Amonicë, Vlorë.
Po kryhen hetimet e mëtejshme në lidhje me përcaktimin e shkakut të aksidentit.
(E.K/FAXWEB.AL)
Discussion about this post