Deontay Wilder e ka mbrojtur titullin kampion bote në kategorinë e rëndë divizioni WBC pas meçit ndaj Tyson Fury, i cili mbaroi me barazim në Staples Centre të Los Angeles të dielën në mëngjes.
Një nokaut në rundin e fundit, 12, doli të jetë vendimtar që lufta të shpallej e barabartë, me britanikun Fury që po udhëhiqte me pikë deri në atë moment.
Por, amerikani e kundërshtoi vendimin e gjyqtarëve për barazim, duke thënë se dy nokautet, në rundin e nëntë dhe 12-të, dëshmuan se ai ishte më i mirë se Fury.
“Çfarë lufte e mahnitshme, nuk kam fjalë. Jam i lumtur që meçi i përmbushi pritjet, sepse shpesh kjo nuk ndodh”, tha Wilder.
Ai foli edhe për forcën që Fury tregoi duke u çuar në këmbë dhe vazhduar luftën edhe pse u rrëzua dy herë.
“Nuk e di si u çua ai. Nuk e di pse ata nuk e nisen numërimin më herët, megjithëse nuk dua të gjejë arsyetime”, shtoi ai.
“Vërtet mendoj se e rraha. E godita me të djathtën, pastaj me të majtën dhe ia pashë sytë duke iu rrokullisur. Vetëm Zoti e di si u çua në këmbë përsëri”, shtoi amerikani.
Wilder drops Fury in the 12th and somehow Fury beats the 10th Count Truly Incredible ? #WilderFury ???? pic.twitter.com/pOGi8tpZvB
— BOXING CORNER 2️⃣4️⃣/7️⃣ (@boxingcorner247) December 2, 2018
(B.H/Faxweb)
Discussion about this post