Persona të panjohur, mbrëmjen e së hënës, në fshatin Krane, bashkia Finiq, kanë kanë thyer memorialin e Thimio Lolit, i njohur si organizator i masakrave ndaj popullatës shqiptare në jug të Shqipërisë në fillim të shekullit XX dhe sidomos ndaj vrasjeve masive të çamëve në vitin 1944-s krah Zervës.
Jashtë kamerave banorët e zonës thanë për Fax News se prishja e memorialit të Thimio Lolit, është bërë menjëherë pas reportazhit të gazetarit Marin Mema i cili e qaujti skandaloze vendosjen e memorialit të një krimineli i cili ka vrarë dhjetëra shqiptarë. Përfaqësues të komunitetit grek në zonë thanë se ndaj tij do të ngrihet padi për shkak të thirrjeve nacionaliste dhe gjuhës së urrejtjes.
Ndërkohë banorët e zonës janë përpjekur ta ringjisin bustin e thyer.
Kujtojmë se pak ditë më parë gazetari Marin Mema publikoi një dokumentar ku e cilësonte si një skandal ngritjen e një memoriali për Thimio Loli. Sipas reportazhit Thimio Loli ka marrë pjesë në masakrat e shqiptarëve në 1914, ka punuar për silogjet “Vorio Epirote”, udhëhoqi sulmet në Sarandë, Kurvelesh, Delvinë e me radhë në gjithë jugun. Masakroi çamët në 1944 krah Zervës, por ka një bust në Kranë të Delvinës.
Memoriali është ngritur rreth 7 vite më parë, ndërsa në mbishkrimin tek pllaka përkujtimore thuhet “për pjesëmarrjen e tij në çlirimin e Maqedonisë greke nga pushtuesit bullgarë”.
Policia e Sarandës me të marrë njoftimin nga banorë të fshatit ka shkuar menjëherë në vendngjarje dhe ka nisur hetimet për të zbuluar autorët dhe zbardhur të vërtetën se si ka ndodhur kjo ngjarje.
(M.Q/Faxweb.al)
Discussion about this post