Liverpool arriti një fitore mjaft të rëndësishme ditën e sotme në kampionatin anglez që e vendosi atë në pozitën e parë të renditjes pas humbjes së Manchester City ndaj skuadrës së Chelsea.
Por në këtë fitore me rezultatin 4-0 ndaj Bournemouthit meritë të padiskutueshme kishte Mohamed Salah i cili shënoi tre nga katër golat duke u shpallur njeriu i ndeshjes. Megjithatë egjiptiani bëri një gjest për t’u vlerësuar pas ndeshjes duke mos e pranuar këtë çmim.
Salahu e refuzoi çmimin “Lojtari i ndeshjes”, të cilin ia dhuroi bashkëlojtarit të vet, James Milnerit, duke e nderuar mesfushorin anglez për paraqitjen e tij jubilare të 500-të në Premierligë.
“Nuk e pranoj. Është ndeshja e tij [Milnerit] e 500-të”, tha Salah.
“Ai e meriton atë sot, sepse ka një karrierë mahnitëse. Shpresoj të kem më shumë ndeshje si kjo në karrierën time, por nuk do ta marrë atë “çmimin”, shtoi Salah. (B.H/Faxweb)
Discussion about this post