Biznesmeni i njohur në mbarë trevat shqiptare, Avni Ponari është nderuar me titullin “Qytetar Nderi” nga bashkia Tropojë, vendlindja e tij.
Njoftimin e vlerësimit nga qytetarët e Tropojës, Ponari e ka bërë të ditur për miqtë e tij në Facebook ku falenderon të gjithë ato që kontribuan për dhënien e këtij titulli.
“Qytetar nderi i Tropojës. Faleminderit të gjithë atyre që kontribuan në dhënjen e këtij titulli.”- shkruan Avni Ponari.
Avni Ponari njihet nga të gjithë shqiptarët, në Shqipëri dhe jashtë saj, në Kosovë apo në trevat e tjera shqiptare, si Drejtor i Përgjithshëm i SIGAL UNIQUA GROUP AUSTRIA, një nga grupet më të njohura dhe më gjithpërfshirës të sigurimeve shqiptare. Është diplomuar në Fakultetin e Marinës në Vlorë dhe në Fakultetin e Drejtësisë në Tiranë, duke dëshmuar një dashuri dhe vullnet të fortë për dije dhe kulturë.
Avni Ponari është nderuar me tituj të shumtë si “Qytetar Nderi” i qytetit të Durrësit; “Qytetar Nderi” i Elbasanit; “Personalitet i Vitit” nga gazeta “Telegraf”; “Biznesmen i Vitit” nga gazeta “Koha Jonë”; “Njeriu i Vitit Internacional Ëho’s”; “ Profili Ndërkombëtar i Drejtuesve më të Mirë”, “Lideri i Vitit”, Çmimin “Justiniani i Madh” nga AMSH (si Konsull i Përgjithshëm Nderi i Japonisë në Shqipëri) dhe nderime të tjera.
(M.Q/Faxweb.al)
Discussion about this post