Pas protestes së zhvilluar nga nxënësit e shkollës së mesme “Lazer Kabashi” Pistull, për heqjen nga puna të mësues Ervis Belsija. Gazetarët iu drejtuan institucionit arsimor në fjalë për të mësuar mbi këtë situatë që ka çuar deri në pezullimin e procesit mesimor. Mirepo drejtoresha e shkollës Bora Përmargjeta, perveçse nuk pranoi të flasë, u soll në një menyre aspak normale duke ju mbyllur derën gazetarëve. Ndërkohe prononcimin e refuzuan dhe përfaqesues të DAR, Shkodër.
Nxënesit e Shkollës së Mesme Pistull pretendojnë se mësues Belsija është larguar me të padrejte nga puna. Ndërkohë mesues Belsija na tregon sesi ka ndodhur largimi i tij.
“Nga një dhunë verbale, që ti nuk je mësues i mirë, unë e zhvilloj orën më mirë se ty. Dhe unë me qenë drejtor nuk të kisha lënë ty mësues. Ngjarja precipitoi në dhunë që u inicua nga mësues Paulini. Dhe unë në vetmbrojtje u përgjigja. Ajo është parë dhe nga të gjithë mësuesit e tjerë, mënyra dhe si u veprua pas ngjarjes. Drejtoresha më thoshte do të ndihmoj dhe nga ana tjetër po përshpejtonte procedurat që të largohesha nga puna. Versioni im është dëgjuar, por ndryshe është mbajt nga komisioni i disiplinës procesverbali. Madje disa mësues janë kërcënuar se do të largohen nga puna, ato që kanë qenë në vendgjarje. Nuk mund të gjej arsye. Kam 4 vjet që kam qenë një mësues korrekt. I padëshireshëum në komunitet! Kam tentuar të komunikoj në DAR, Shkodër dhe nuk më ka mbështetur njeri. Kam marrë largimin asgjë më tepër. ”- u shpreh Belsija.
Gjatë dy ditëve të fundit rreth 150 nxënës të shkollës së mesme Pistull kanë protestuar për shkak të heqjes nga puna të mësuesit të tyre Ervis Belsija. Për më tepër mësimi në shkollë është pezulluar dhe nxënesit bëjnë apel DAR që mësuesi të kthehet në punë, pasi nuk do të kthehen në shkollë pa mësues Ervisin.
(M.Q/Faxweb.al)
Discussion about this post