Ligji për arsimin e lartë, i miratuar me arrogancë n ga qeveria edhe pse në atë kohë i kundërshtuar, duket se është arsyeja themelore e problemeve që sot ka jetë universitare, që ka çuar edhe në protestën studentore.
Sipas pedagogut Endri Shabani drejtuesit e universiteteve u blenë me ligjin e arsimit të lartë. Ai tha në ‘Ora News’ se paratë u përdorën për të blerë dekanë, rektorë, drejtues universitetesh, të cilët morën paratë dhe i futën në xhep dhe ranë dakord për të bërë një reformë që u shërbente interesave të tyre.
“Ia ka dorëzuar universitetit tregut dhe ndërkohë që tregu është i kapur. Ndërkohë që ka lënë universitetin jetim, ka marrë pëlqimin e drejtuesve. Ka krijuar një asimetri të jashtëzakonshme pushtetesh. Fakti që drejtuesit e universiteteve u japin vetes shpërblim, do thotë janë jashtëzakonisht të fuqishëm dhe kjo do të thotë se nuk ka askush që t’i kontrollojë.
Shihni si e bëri reformën? Mori projekte nga organizata ndërkombëtare për të bërë dialog. Paratë i përdorën për konsulenca për të blerë dekanë, rektorë, drejtues universitetesh, të cilët morën paratë dhe i futën në xhep dhe ranë dakord për të bërë një reformë që u shërbente interesave të tyre. Në momentin kur rektori dhe dekani larg ka mbështetjen e ministrit dhe kryeministrit dhe poshtë ka krijuar grupin e vet me pedagogë shpesh militant partish, ata që e pësojnë janë pedagogët.
A është normale që banda e Shullazit ka më shumë pushtet se kush bëhet rektor u Universitetit të Tiranës se sa studentët. Pa studentë nuk ka universitet. Do të japësh autonomi? Barazo vendimmarrjen brenda universitetit”, u shpreh pedagogu Shabani. (B.H/Faxweb)
Discussion about this post