Përgjaket Elbasani, 3 të vdekur nga përplasja me armë ndërmjet bandash (EMRAT)

Tre persona kanë vdekur nga një përplasja me armë në qytetin e Elbasanit në orët e vona të mbrëmjes së sotme, pranë Metalurgjikut.

Burime për Fax News bëjnë të ditur se të tre personat kanë ndërruar jetë. Viktima e parë nga atentati është personi me iniciale E.K, me precedent të mëparshëm penal. Ndërkohë bëhet e ditur se dy personat e plagosur që kanë ndërruar jetë rrugës për në spital, janë Endrit Alibeaj dhe Arben Dylgjeri.

Shkëmbimi i zjarrit ka ndodhur ndërmjet dy bandave. Makina ndaj të cilës është bërë atentati ka qenë në lëvizje ndërkohë që automjeti është me targa italiane. Dyshohet se në ngjarje janë përfshirë dy shtetas shqiptarë dhe një i huaj.

Automjeti ku ishin viktimat humbi kontrollin pasi u qëllua. Ngjarja dyshohet të ketë pasur zanafillën jashtë vendit, ndërkohë që mendohet se përplasja ka ndodhur për larje hesapesh droge. Shtetasi i huaj dyshohet se është kolumbian.

Ndërkohë forcat RENEA kanë mbërritur në Elbasan për të kërkuar autorët.

(M.Q/Faxweb.al)