Ish-kryeministri Sali Berisha, tha mbrëmjen e sotme, se e vetmja rrugë për zgjidhjen e situatës aktuale politike dhe jo vetëm, në Shqipëri është mosbindja civile.
Duke komentuar fjalët e ish-kryetares së Kuvendit Jozefina Topalli, se Lulzim Basha po mban në pushtet Edi Ramën, dhe 4 persona po mbajnë peng Shqipërinë, tha:
“Të njëjtat fjalë Topalli i thoshte edhe në rikandidimin e Bashës në PD. Dihet kimia e tyre tashmë”.
Pyetjes “A mbani të njëjtin qëndrim me zonjën Topalli?”, Berisha iu përgjigj:
“Absolutisht që jo!”.
Duke u ndalur tek marrëveshja e 18 majit dhe tek pretendimet se kjo vijon të jetë në fuqi edhe sot, Berisha deklaroi: “Nëse mua më pyet se a besoj, unë them që nuk besoj që ka një marrëveshje. Unë jashtë këtij besimi nuk dal. Unë e kuptoj që pas 18 majit njerëzit dyshojnë, por kjo për mua nuk është e vërtetë”, ndërsa shtoi se qeveria me bazë të qerë nuk është zgjidhje.
Topalli deklaroi mbrëmjen e sotme: “Mjafton të themi që kemi katër vetë ata që kanë pushtetin dhe ata janë Rama, Meta, Basha dhe Veliaj. Forcat politike janë rrudhur por janë në shërbim të këtyre kryetarëve. Janë këta katër persona që merrin vendime në emër të shqiptarëve”.
(B.B/ Faxweb.al)
Discussion about this post