Skandali në Kavajë i përdhunimit të në 13-vjeçareje së paku nga 7 adoleshentë i zbuluar nga një mesazh në postën e ish-kryeministrit Berisha, ka shkaktuar një furtunë në opinionin publik.
Reagimi i parë ka ardhur nga policia (e akuzuar se ka fshehur ngjarjen) e cila ka vënë në pranga 7 të rinjtë me datë 3 shkurt 2019.
Gjykata sot ka vendosur masën “arrest me burg” për të 7 adoleshentët, ndërsa vetëm 2 prej tyre e kanë pranuar akuzën e abuzimit me bashkëmoshataren e tyre.
Të akuzuar janë dhe 2 gjimnazistë, ndërsa njëri prej tyre 15-vjeçar është shpallur në kërkim.
Shumë aktivistë, mbrojtës të të drejtave të fëmijëve si dhe Konfederata e Sindikatave të Shqipërisë kanë kërkuar vënien para përgjegjësisë ligjore të të gjithë instancave shtetërore që kanë heshtur përballë këtij abuzimi i cili vijonte prej se paku 4 muajsh.
Ora 13:00 Gjykata jep masën e arrestit me burg për të 7 të arrestuarit në Kavajë
Gjykata e Durrësit ka dhënë masën arrest me burg për 7 të miturit, që në bashkëpunim me njëri tjetrin kishin kryer marrëdhënie seksuale me vajzën e mitur. 2 prej tyre kanë pranuar akuzat në sallën e gjyqit.
Akuza që rëndon mbi të miturit është “marrëdhënie seksuale me të mitur”!
Mësohet se vajza e mitur ka qenë e lidhur me një prej djemve, dhe për shkak të një video intime ajo është detyruar që të kryejë marrëdhënie dhe me shokët e tij.
7 të miturit mbërrijnë në Gjykatën e Durrësit rreth orës 10:00
7 të miturit që janë arrestuar për përdhunimin e vajzës 13-vjeçare në Kavajë, në shkollën ”Rilindja”.
Seanca për masën e arrestit po zhvillohet me dyer të mbyllura, ndërsa jashtë Gjykatës ka pasur dhe një prani të madhe të familjarëve.
Prindërit jashtë kanë qenë mjaft të acaruar dhe kanë debatuar edhe me mediat e pranishme, duke thënë se fëmijët e tyre janë të mitur, dhe duhet të mbahen jashtë vëmendjes së kamerave.
Gazetarja e Fax News Elitjona Doko raporton se babai i një prej fëmijëve ka përdorur sharje dhe kërcënime në drejtim të tyre.
Një prej familjarëve ka kaluar dhe gjendje të fikti.
Akuza që rëndon ndaj të rinjve është ajo e abuzimit seksual me anë të shantazhit, duke përdorur një video intime që kishte realizuar me partnerin e saj 13 vjecarja.
Kujtojmë se kjo është një nga ngjarjet më të rënda të ndodhura së fundi, ku shteti jo vetëm që nuk ka vepruar, por është bërë palë me fshehjen e ngjarjes. Ende sot nuk ka një reagim nga ana e policisë për këtë ngjarje të rëndë.
Të mos ishte denoncimi i ish-kryeministrit Sali Berisha, ende sot vajza 13-vjeçare do të ishte nën presion për të heshtur pavarësisht terrorit që i është dashur që të kalojë.
Pavarësisht arrestimit të të rinjve, derimë tani nuk ka pasur asnjë procedim në radhët e drejtuesve të shkollës, apo të zyrës arsimore në Kavajë.
Prindërit të ndarë mbi rolin e shkollës dhe drejtuesve të zyrës arsimore
Qytetarë të Kavajës që janë njëkohësisht prindër të nxënësve të së njëjtës shkollë shprehen se janë njohur me ngjarjen pasi është zhvilluar një mbledhje nga drejtoria me prindër të ndryshëm.
Qemal Karaosmani shprehet se është e papranueshme që ngjarja nuk u denoncua nga shkolla, por kjo u be vetëm pasi u publikua në facebook-un e Berishës.
Një tjetër prind i dy nxënësve në shkollën Rilindja shprehet se shkolla nuk ka pasur dijeni për ngjarjen dhe ajo u zbulua pasi prindërit kuptuan një ndryshim në gjendjen emocionale të vajzës së tyre.
Ajo që përbën çudi është fakti se një prej prindërve e justifikon ngjarjen duke thënë se ky veprim vjen prej moshës së të miturve, dhe nuk duhet politizuar. Ndiq videon më poshtë:
Video ku një prej familjareve i bie të fikët, siguruar nga Faxnews:
Lajmi dhe denoncimi fillestar te Berisha:
‘’Përdhunohet vajza në shkollë, ngjarja mbahet e fshehtë nga policia dhe Zyra Arsimore”
Vendosja e masës së arrestit, dhe heshtja e policisë:
Berisha: Të gjitha autoritetet ishin në dijeni të përdhunimit të 13-vjeçares
(E.K/FAXWEB.AL)
Discussion about this post