Senatorja Demokrate e Massachusetts, Elizabeth Warren tha në ditën e saj të parë të fushatës si kandidate për presidente ka deklaruar se Presidenti, Donald Trump mund të jetë në burg derisa të vijë dita e zgjedhjeve.
“Deri në kohën që arrijmë në 2020, Donald Trump nuk mund të jetë as President, në të vërtetë, ai as që mund të jetë një person i lirë”, – tha Warren.
Warren i bëri këto komente për gazetarët në një manifest në Ioëa City, duke treguar për hetimin e vazhdueshëm të ndërhyrjes ruse në zgjedhjet e vitit 2016 nga këshilltari i posaçëm Robert Mueller.
“Nuk është më vetëm hetimi i Muellerit, ata janë kudo dhe këto janë hetime serioze, kështu që ne do të shohim se çfarë ndodhë”.
E pyetur nëse ajo beson se Trump duhet të lirohet nga akuzat, senatorja tha se është e rëndësishme që së pari të shohim gjetjet e Mueller.
“Çdo ditë, ka një cicërimë raciste, një cicërimë urrejtëse, diçka vërtet e errët dhe e shëmtuar”, tha Warren për Trump duke e konsideruar këtë të fundit si racist.
“Dhe çfarë jemi ne, si kandidatë, si aktivistë, si media? A do ta lejojmë atë të përdorë ato për të na ndarë?”
Përgjigja ndaj këtyre pyetjeve, tha Warren, ishte të shmangej kurthi i angazhimit në secilën prej veprimeve të Trump.
“Ja se si e shoh: Donald Trump nuk është problemi i vetëm që kemi, po, Donald Trump është simptomë e një sistemi të thyer keq. Pra, puna jonë teksa fillojmë të futemi në zgjedhjet e ardhshme nuk është vetëm që të përgjigjemi çdo ditë. Por edhe për të folur për atë që kuptojmë se është prishur në këtë vend, flasim për atë që duhet bërë për ta ndryshuar atë dhe për të folur për mënyrën se si ne do ta bëjmë këtë, sepse nuk është vetëm mënyra se si fitojmë, por edhe se si e sjellim ndryshimin që duhet të bëjmë “.
Kujtojmë se Warren e nisi zyrtarisht fushatën e saj si kandidate për Presidente e Shteteve të bashkuara të Amerikës të shtunën e kaluar.
(F.GJ/FAXWEB.AL)
