Mediat e huaja flasin për një lëvizje të bujshme në merkato dhe kjo ka të bëjë me Juventusin i cili është gati të hyjë në bisedime për blerjen e Mohamed Salah.
Nga kjo blerje ekipi i Liverpulit mund të përfitojë rreth 200 milionë euro, sipas “The Guardian”.
Salah shihet nga Juventusi si një zëvendësues i denjë për Paulo Dybalën, gjithmonë nëse ky i fundit do të lërë Torinon në merkaton e verës.
Përveç sulmuesit egjiptian, sipas mediave sportive britanike, klubi bardhezi po ndjek edhe pistën e spanjollit të Realit, Marko Asensio.
Kujtojmë se për Asensio ka shfaqur interes të madh edhe Çelsi kohët e fundit. Ndërkohë që nëse Salah kthehet në Itali, kjo do të ishte një goditje vërtetë e madhe nga ana e Juventusit.
