Shkatërrohet banda e drogës, policia greke arreston 21 persona mes tyre dhe shqiptarë

Policia greke godet një grup të trafikut ndërkombetar  të drogës nga Shqipëria në Greqi.

Grupi trafikonte marijuanë përmes kufirit greko-shqiptar në Igumenicë dhe më pas e transportonte në Athinë.

I njëjti grup kryente dhe shpërndarjen e marijuanës por edhe drogave të forta në vende të ndryshme të Greqisë.

Gjatë operacionit janë arrestuar 21 shtetas shqiptarë dhe grekë njëkohësisht në qytete të ndryshme të Greqisë.

Ndërkohë janë sekuestruar 142.5 kg marijuanë, 3.3 kg kokainë, 1 pistoletë dhe 16.756 euro.

Këtij grupi në operacione të mëparshme i janë sekuestruar 140 kg marijuanë, 650 gram kokainë dhe 400 gram heroinë ndërkohë llogaritet që prej shtatorit 2018 ky grup ka arritur të trafikojë dhe shesë rreth 500 kg marijuanë, 6 kg kokainë dhe 1 kg heroinë.

Prej fillimit të vitit, policia greke ka sekuestruar rreth  840 kg marijuanë qe vinte nga Shqipëria

Operacioni ndërkombëtar i policisë greke në bashkëpunim me autoritetet në Belgjikë dhe vende të tjera europiane.

Identifikohen si pjestarë të një grupi kriminal 10 shqiptarë dhe 1 rumun. Arrestohen 8 në Greqi, 1 në Bruksel, u shpallën 2 në kërkim që po ndiqen nga policia e vendeve europiane.

Grupi kriminal akuzohet për vrasjen në prill 2018 në Kifisia të biznesmenit grek Aleksandro Stamatiadi. Grupi akuzohet për 1 grabitje banese, 55 vjedhje, 9 tentativa vjedhje, 1 tentativë vjedhje bankomati.

(F.GJ/FAXWEB.AL)