Kishte djalin në burg, detaje të reja nga vrasja e 45-vjeçares në Sharrë. Burri i kishte…

Lirie Xhepa është gruaja e cila u gjet e pajetë pranë liqenit të Sharrës në Tiranë në orët e para të mëngjesit të sotëm.

Sipas burimeve nga policia viktima është rreth 49-vjeçe, ndërsa në trupin e saj janë evidentuar shenja dhune.

Dyshohet se Xhepa është vrarë rreth orës 21:00 të mbrëmjes së djeshme, dhe më pas është hedhur pranë një ferre në afërsi të liqenit.

Burime bëjnë me dije se në trupin e saj janë parë dhe tre plagë të shkaktuara nga armë zjarri.

Mësohet se gruaja ka qenë banore e zonës, ndërsa qytetarët shprehen se kanë parë një makinë që është larguar me shpejtësi nga vendi i ngjarjes.

Burime për Fax News bëjnë me dije se viktima ka humbur më parë dhe bashkëshortin e saj, ndërsa është nëna e dy djemve njëri prej të cilit ndodhet në burg. Nuk dihet ende një shkak për ngjarjen e rëndë, që ngjan me një skenë horror.

Tiranë/ Informacion paraprak

Identifikohet trupi i pajetë, i gjetur pranë liqenit të Sharrës mëngjesin e sotëm. Trupi i përket shtetases L. Xh., 49 vjeçe.

Nga kqyrjet në trup rezulton se shtetasia L. Xh., është qëlluar me armë zjarri pistoletë dhe si pasojë e plagëve të marra ka gjetur vdekjen.

Policia po punon për zbardhjen e plotë të rrethanave të ngjarjes, identifikimin dhe kapjen e autorit.(E.K/FAXWEB.AL)