Nënkryetari I Kuvendit Edi Paloka, i cili sot bëri një akt që hapi një debat të gjërë në opinionin publik dhe politik, deklaroi se gjatë protestës së 16 shkurtit opozita as nuk do ti nxisë dhe as nuk do ti ndalojë qytetarët për të bërë apo mos bërë akte të dhunshme.
“Njerëzit as nuk do ti nxisim as nuk do ti ndalojmë. Në një moment që kemi një kryeministër që fyen dhe ofendon qytetarët, këta kanë të drejtë të marrin në dorë fatin e tyre”, – tha Paloka në emisionin “Opinion”.
I pyetur se cili do të jetë reagimi i opozitës nëse do të ndodh që protesta e bëhet e dhunshme e cila mund të shoqërohet edhe me viktima.
“Le të guxojë kush t’ju dalë përballë qytetarëve dhe do të marrë përgjigjën e merituar. Ne nuk i çojmë njerëzit në shesh për ti bërë mish për top”.
Ai u pyet se nëse protesta do të shoqërohet me skena dhune dhe imazhe të tilla a rrezikon kjo marrjen e statusit të vendit kandidat. Paloka tha se na kanë gënjyer njëherë vitin që shkoi duke thënë se është marrë, çfarë statusi thoni, cili status mund të merret në qershor me këtë qeveri.
Ai deklaroi gjatë intervistës në emisionin “Opinion” se nuk e bëri gjestin e sotëm në Kuvend për të treguar trimërinë.
“Nuk e bëra atë gjë për të treguar trimëri, nuk ka ngelur Partia Demokratike të bëj unë trimin. Aktin tim e bëj ndryshe unë, ai akt ishte simbolik. Isha i përgatitur, prej një jave bile për ta bërë atë akt, por nuk do ta bëja nëse ai nuk do të tregohej siç tregohet gjithmonë”, – tha Edi Paloka.
(F.GJ/FAXWEB.AL)
