Nënkryetarja e Lëvizjes Socialiste për Integrim Eirsa Xhixho, tha në emisionin “Natë me Xhaxhiun” në Televizionin Fax News, se 16 qershori do të jetë një përgjigje ndaj gjithë kësaj situate e cila do ti bëjë presion qeverisë për tu tërhequr dhe hapur rrugë krijimit të një qeverie kalimtare.
“Besoj fort se Basha ka një presion të madh popullor për të mos përsëritur më marrëveshje të tilla si ajo e 17 majit. Por unë nuk mbaj përgjegjësi për Partinë Demokratike por për LSI-në. Dalja jonë në opozitë ishte vullnetare sepse erdhi në një kohë kur Rama na lutej që të vazhdonim koalicionin. Kështu që ne kur e japim fjalën e mbajmë”, – deklaroi Xhixho.
Kryemadhi tha pak ditë më parë tha se me 16 shkurt dikush duhet të ikë ose qeveria ose opozita ndërkohë, Xhixho u shpreh se opozita nuk ka alternativë tjetër përveçse të qëndrojë dhe të jetë aty deri në rrëzimin e qeverisë.
Numri dy i LSI-së tha se nuk do të ketë protestë të dhunshme, nuk do të ketë fjalime politike, nuk do të ketë flamuj politik sepse sipas saj, qytetarët do të ndjehen të lirë për të protestuar kundër të keqes më të madhe që drejton qeverinë dhe që është Edi Rama.
Xhixho tha se kësaj radhë nuk do të ketë xhiro nëpër Bulevard, por kjo do të jetë një vendimmarrje që sipas saj, do ta marrin qytetarët dhe do të vendoset aty.
https://www.facebook.com/faxweb.al/videos/536254133532364/
(F.GJ/FAXWEB.AL)
