Ndryshime në PS-në e Shkodrës, kush është kryetari i ri i emëruar

Partia Socialiste e Shkodrës ka vendosur që të kryejë ndryshime në rradhët e saj, konkretisht me kryetarin e saj.

Kështu në vend të kryetarit aktual Arvid Osja, do të emrëohet Edmond Emini. Ky zëvendësim erdhi pasi Osja vetëm pak kohë më parë paraqiti edhe dorëheqjen e tij pranë strukturave drejtuese në Tiranë. Ndërkohë, kryetari i ri i emëruar nuk është një emër i panjohur në Shkodër. Aktualisht Emini është drejtues i shtëpisë së të moshuarve në Shkodër, ndërsa këtë pozicion e ka pasur edhe para disa vitesh

Tashmë ajo që pritet këto ditë është vetëm prezantimi i këtij ndryshimi, pra pranimi i dorëheqjes të Osjes dhe zyrtarizimi i drejtuesit të ri Emini. Sipas burimeve, pritet që këto ditë prezantimi zyrtar të bëhet përpara strukturave të PS Shkodër.