Drogë drejt Greqisë, arrestohen dy gra dhe 32-vjeçari shqiptar. Rolet që kishin në trafik

Policia helene ka arrestuar dy shtetase greke 52 dhe 23-vjeçe dhe një 32 vjeçar shqiptar gjatë një kontrolli në dy automjete në Kostur.

Sipas njoftimit, policia ka ndaluar mjetin e parë ku u arrestuan 2 shtetaset greke, ndërsa mjeti i dytë nuk i ndalon policisë duke shtuar shpejtësinë dhe largohet, ku më pas automjeti braktiset nga drejtuesi që ishte futur në pyll.

Me ndihmën e qenit nuhatës kapet i dyshuari shqiptar 32 vjeçar dhe në mjetin e tij sekuestrohen 4 çanta qe përmbanin 16 pako me 81 kg 660 gram marijuane.

Ndërkohë policia greke ka ushtruar më pas kontroll në shtëpinë e 52 vjeçares greke ku u sekuestruan edhe 125 gram marijuane dhe 69 euro.

Nga hetimi i kryer rezulton që shqiptari kishte hyrë në Greqi në mënyrë të paligjshme nga kufiri i gjelbërt, ku iu sekuestruan 300 euro, 4 celularë dhe 6 karta SIM.