Kreu i PD-së Lulzim Basha mbyll protestën, pas falenderimeve për pjesëmarrësit ai ka njoftuar se tubimi do të vijojë të enjten e javës së ardhshme.
‘Ne zotohemi sot se kjo kryengritje do të vazhdojë deri në përmbysjen totale të këtij sistemi të kalbur. Takohemi të enjten në orën 10 në protestën e rradhës.
Ne u bashkuam këtu për qendresë të vendosur kundër qeverisë hajdute.
Provokimet e narkopolicëve të tij ishin e vetmja dhunë. Ju ftoj në protestë tjetër madhështore, të enjten e javës që vjen ‘, u shpreh Basha.
Protesta e opozitës të bashkuar zgjati për më shumë se 5 orë. Gjatë gjithë kësaj kohe godina e kryeministrisë u sulmua disa herë, teksa u thyen xhama dhe porta kryesore, u tentua ti vihet zjarri. Ndërkohë disa punonjës të policisë, protestues si dhe gazetarë mbetën të lënduar nga konfrontimi fizik mes palëve dhe sidomos nga gazi lotsjellës që u hodh nga policia.
Shifrat zyrtare nga Ministria e Shëndetësisë flasin për nëntë punonjës të forcave të rendit, dy përfaqësues të medias dhe 8 protestues, në total 19 persona.
Ndërkohë raportimet nga vendngjarja flasin për dhjetëra të tjerë të lënduar me simptoma të fikti, të vjella si dhe humbje të shikimit për shkak të gazit lotsjellës.
Në lidhje me përdorimin e gazit lotsjellës pati deklarata të forta nga shumë eksponentë politikë dhe përfaqësues të shoqërisë civile të cilët thanë se policia përdori në sasi të rrezikshme për shëndetin e njeriut kundr të gjithë konventave dhe rregullave të përdorimit të këtyre lëndëve.
Protestuesit shkatërruan tërësisht kërpudhën e vendosur në oborrin e Kryeministrisë si dhe instalacionin e dritave, 2 objekte të cilat ishin mbështjellë me mbrojtëse metalike.
Discussion about this post