Drejtori i Përgjithshëm i Radio Televizionit Publik Shqiptar, Thoma Gëllçi ka reaguar për transmetimin e këngës “Ne jemi komunista” që u transmetua në valët e Radio Tiranës.
Thoma Gëllçi tha se ishte një gabim teknik dhe kjo gjë nuk është çështje politike.
“Ishte një gabim i teknikut të Radio Tirana. Ai kishte futur gabim në listën e këngëve fituese edhe atë. Ishte gabim dhe u morën masat. Është një incident i shkëputur, nuk është politike”, tha Drejtori i Përgjithshëm i RTSH.
Kënga e transmetuar ditën e sotme në valët e Radio Tiranës me titullin “Ne jemi komunista” është kënduar nga Marina Grabovari dhe ka fituar çmimin e parë të Festivalit në vitin 1982.
Reagimi nga drejtori i RTSH-së erdhi pasi gjatë ditës së sotme në rrjet u shpërnda gjerësisht një video ku në valët e Radio Tiranës transmetohej kënga “Ne jemi komunistë (lexo këtu)
