Nuk firmos dorëheqjen, zbulohet arsyeja që nxorri nga rradhët vajzën e Azem Hajdarit

Deputetët e Partisë Demokratike kanë kanë nisur të firmosin për djegien e mandateve.

Ndërkaq Fax Web mëson se vajza e Azem Hajdarit, Rudina Hajdari nuk ka firmosur dorëheqjen nga mandati si deputete, pasi ndodhet jashtë vendit.

Kujtojmë se Rudina Hajdari në 8 dhjetor 2018 në Ditën e Rinisë, gjatë kohës që zhvillohej protesta e studentëve, tha para të pranishmëve se ishte e gatshme që të linte mandatin për t’iu bashkuar protestës së tyre.(Lexo këtu)

Pjesë e atyre që po hedhin firmat janë edhe ata që kanë qenë në listën e kësaj force politike në garën e zgjedhjeve të përgjithshme të vitit 2017.

Kjo vjen pasi Këshilli kombëtarë i Partisë Demokratike vendosi unanimisht pro këtij propozimi të bërë nga kreu i PD-së Lulzim Basha dhe i votuar me votë unanime nga grupi parlamentarë.

Fax Web disponon dokumentin e dorëheqjes së deputetëve ku ndër të parët që ka firmosur këtë vendim ka qenë deputeti i qarkut Korçë, Ervin Salianji.

Në deklaratën e dorëheqjes shkruhet edhe motivacioni i saj i cili është “gjendja e emergjencës kombëtare” si dhe “kapja e qeverisë për afera korruptive”

Mësohet se këto deklarata do ti dërgohen Kuvendit ku do të finalizohet edhe i gjithë procesi, ku më pas çështja do ti kalojë Komisionit Qëndror të zgjedhjeve.

Po ashtu dhe deputetët e LSI-së kanë fimosur dorëheqjen nga mandati si deputetë, veç Lefter Kokës i cili ka dalë kundër vendimit të partisë.

(M.Q/Faxweb.al)