Kryetarja e lëvizjes Socialiste për integrim ka dhënë deklaratën e parë për mediat pas përfundimit të protestës së ditës së sotme të opozitës e cila kulmoi me hyrjen e Lulzim bashës në Kryesinë e Kuvendit nga ku bëri dorëheqjen zyrtare nga posti I deputetit.
Kryemadhi u shpreh se morali I gjithë kësaj proteste nuk është përfaqësimi I grupeve të interesit apo të bandave të krimit por interesin e qytetarëve shqiptarë.
Ajo foli edhe për deputetët të cilët nuk kanë firmosur për lënien e mandatit, duke thënë se kjo nuk është çështje deputetësh por e interesave të qytetarëve, duke i paralajmëruar se do të kenë fatin e deputetëve të ukrainës të cilët përfunduan në koshin e plehrave.
“Sot qytetarët dhe deputetët e opozitës janë të lirë dhe liria nuk ka çmim, ata tashmë nuk i mban peng asgjë. Mesazhi i tyre ishte tepër i qartëMorali nuk është që të përfaësojmë grupet e interesit apo bandat e krimit por qytetarët shqiptarë. Kush deputet do të përfundojë në kazan të plehrave si ata të Ukrainës le ta bëjnë dhe do ta pësojnë. Kjo nuk është çështje deputetësh por e interesave të qytetarëve shqiptar”.
Këto deklarata të Kryemadhit erdhën pas përfundimit të takimit që Basha mbajti me aleatët në selinë e PD-së.
(F.GJ/FAXWEB.AL)
Discussion about this post