Nis gjykimi për Klement Balilin, a do të mjaftojnë provat e Prokurorisë për ta dënuar?!

Ka nisur paraditen e kësaj të hëne seanca e gjykimit për Klement Balilin, i etiketuar gjerësisht si Eskobari i Ballkanit, po që sipas vetë të akuzuarit ai nuk ka kryer trafik droge në sasi të mëdha.

Në seancën që po zhvillohet pranë Gjykatës së Krimeve të Rënda, Balili përfaqësohet nga avokati i tij Theodhori Sollaku, i cili është shprehur dhe më herët se ndaj klientit të tij nuk ka prova të arsyeshme, po vetëm përgjime, që mund të jenë të manipulueshme.

Kujtojmë se për Balilin hetimet kanë nisur prej dy vitesh, kohë në të cilën ai qëndroi në arrati, dhe më pas me dërgimin e dosjes në Gjykatë vendosi që të vetëdorëzohej.

Mbi të rëndojnë akuzat:

1. 1. “Trafikimi i lëndëve narkotike”, i kryer në bashkëpunim në formën e grupit të strukturuar kriminal.
      2. “Pjesëmarrje në grupin e strukturuar kriminal”.
      3. “Refuzim për deklarimin, mosdeklarimin, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”.
      4. “Pastrimi i produkteve të veprës penale ose veprimtarisë kriminale”.

(E.K/FAXWEB.AL)