Gjykata e Tiranës vendosi sot masën e sigurisë ‘arrest me burg’ për zjarrfikësin Lorenc Hatia i cili ushtroi dhunë ndaj bashkëshortes dhe fëmijëve të tij.
Shërbimi për Çështjet e Brendshme dhe Ankesat në Ministrinë e Brendshme para dy ditësh i ka vënë prangat të akuzuarit për veprat penale “Torturë” dhe “Dhunë në familje”. Lorenc Hatia, 44 vjeç, baba i dy fëmijëve është prej 22 vitesh pjesë e forcave zjarrfikëse, si komandant i tyre. Por emri i zjarrfikësit të arrestuar nuk është i panjohur për opinion e publikut shqiptar.
Vetëm dy vjet më parë ai u bë ‘hero’ pasi ishte një nga punonjësit e zjarrfikësve që mori pjesë në shpëtimin e Bibliotekës Kombëtare që u përfshi nga flakët në 16 mars 2017.
Madje dhe kreu i Bashkisë së Tiranës Erion Veliaj publikoi foton e tij dhe një falënderim të veçantë.
Discussion about this post