Teksa opozita po protetson jashtë Kuvendit, kreu i grupit parlamentar të PS-së Taulant Balla gjatë flajës së tij në Kuvend tha se maxhoranca e kishte parashikuar që në korrik të vitit 2016 atë çfarë po ndodh sot me opozitën.
“Sali Berisha, Lulzim Basha, Monika Kryemadhi… Ne e kishim thënë prej ditës së parë, e kishim parashikuar që në korrik 2016 që sa më shumë do afrohet dita e SPAK e BKH ata që përmenda më lart dhe që sot janë me një grup huliganësh nuk do të ishin. Nuk është e rastësishme mungesa e tyre sot. Por ne jemi këtu sot për t’i qëndruar besnik votës së popullit shqiptar.
Shqiptarët në shumicë na votuan në qershor 2017 sepse e dinë mirë shqiptarët kujt t’ia besojnë votën. Ne jemi të vetmit që mund të çojmë para reformën në drejtësi. Me këto dy vendime përmbyllim një etapë të rëndësishëm të reformës në drejtësi”, tha Balla.
Balla deklaroi se 16 shkurti ishte një referendum për shkatërrimin përfundimtar të PD-së dhe nuk nguroi të thotë se me PD ringjallen huliganët.
“Shqiptarët kuptuan se me PD ringjallen huliganët, rikthehen situatat e 20 viteve më parë. Në 28 vite me radhë Saliu dhe PD kanë qenë përgjegjëse për skemat piramidale, luftën civile 97, grushtin e shtetit 98, shpërthimin e Gërdecit, 21 janarin e korrupsionin”, tha Balla.
Discussion about this post