Ish-kandidati për deputet i LSI, Ralf Gjoni, që me shumë gjasa do i bashkohet ‘Kuvendit të ri’ ka takuar raportuesin për Shqipërinë në Parlamentin Europian, Knut Fleckenstein.
Gjoni ka publikuar një foto nga një lokal ku ka pirë kafe me Fleckenstein, i cili kreu një vizitë dyditore në vendin tonë.
‘Me mikun tim të mirë Knut Fleckenstein MEP duke diskutuar për të ardhmen e Shqipërisë, nën diellin e Tiranës që po ndriçon’, shkruan Gjoni bashkengjitur fotos.
Ky takim përforcon faktin që Ralf Gjoni nuk do i thotë jo propozimit për deputet si kandidat në listën e pritjes. Nuk kanë munguar as komentet provokative të ndjekësve, të cilat Gjoni as i ka mohuar dhe as i ka pohuar, se ç’do të bëjë me mandatin.
Nga ana tjetër Gjoni është treguar kritikë me LSI-në së fundi, njësoj si Fleckenstein që akuzonte Kryemadhin se po pengonte integrimin e vendit.
Discussion about this post