Këshilli bashkiak i Vlorës ka miratuar këtë të enjte projekt vendimimin e dhënies së 250 qytetarëve kredi të butë për shtëpi. Familjet dhe individët që përfitojnë banesa me kosto të ulet kanë marrë miratimin me te gjitha votat e keshilltareve ndersa ka patur diskutime lidhur me listën emërore.
Në këte listë, rezulton të ketë emra të njohur të pushtetit vendor, punonjës të bashkisë, apo emra të udhëheqjes politike. Kryetari i bashkise ka pranuar që në listën që përfitojnë banesa me kosto të ulët janë edhe punonjës bashkie, sipas tij janë rreth 13 punonjës, ndërsa i ka cilësuar si të drejta.
“Kreditë nuk janë për shtresat në nevojë. Kreditë janë për familjet e reja me të ardhura. S’përfitojnë ata që kanë të ardhura mbi 1 mln e gjysëm, po ashtu edhe ata që kanë dokumenta të rremë. Ka ende vende bosh aplikoni. Nuk mund të diskriminoj punonjësit e bashkisë. Kanë të drejtë të aplikojnë edhe punonjësit e bashkisë.”- u shpreh Leli.
Leli ka shpjeguar që në listë mund të aplikonin të gjithe ata që plotësonin kushtet, qoftë këta edhe punonjës bashkie apo emra të PS-së Vlorë.
Por në fakt çfare thotë vendimi? Cilat janë kriteret për të përfituar banesë me kosto të ulët?
- vendimi ndihmon familjet e reja për të blerë një banesë.
- ndihmon individ mbi 18 vjeç dhe familjet që në momentin e aplikimit nuk kanë në pronësi një banesë
- familjet që në momentin e paraqitjes së kërkesës zotërojnë siperfaqe toke nën normën e strehimit
- familje që zotërojnë të ardhura brenda kufijve të përcaktuar në tabelën përkatëse max min.
Por sa i është përmbajtur komisioni përzgjedhes këtyre kushteve?
Në listen e bërë publike në Këshilliin Bashkiak vërehen emra familjesh dhe individësh që në fakt disponojne banese.
Rezultojnë emra që të ardhurat mujore i kanë më të larta seç janë deklaruar në kollonën bashkangjitur emrit.
Citojme disa prej disa emrave të 226 aplikantëve që bashkia i ka miratuar:
- Arsida Male- zyra e IT-së në bashki
- A. Naçi- këshilltar kulture bashki
- Blerina Ilnica – punonjëse e bashkisë
- Eno Zoga- punonjës bashkie
- Ervin Limaj – punonjës bashkie
- Artan Osmani – gruaja punon në shtëpinë e foshnjes
- Genci Shiko- gruaja punon në bashki dhe ne universitet
- Adriatik Kingji- Punonjës OSHEE
- Brisilda Çobaj- Kryetare e rajonit 4 Vlorë Partia Socialiste
- Julian Dulaj
- Edlira Hysenaj
- Sanjela Xhaferraj
Një tjetër emër në këtë listë është edhe ai i kryetares së FRESSH Vlorë Sanjela Xhaferraj.
Xhaferraj ka aplikuar për një shtëpi 3+1, ndërsa aplikimin e ka kryer duke përfshirë edhe familjen e saj, konkretisht 2 prindërit dhe vëllain. Xhaferraj ka deklaruar si page maksimale të të gjithë familjes 11.2040 (nje miljone e nje qind e njezete mije leke te vjetra), por Xhaferraj rezulton e dy punësuar, veç punësimit si drejtuese politike e rinisë socialiste. Xhaferraj punon si pedagoge në një universitet privat në qytetin e Vlorës si dhe në një Fondacion Ekonomik.
Çka do të thotë që paguhet me 3 rroga. Po ashtu familjarët e saj rezultojnë me të ardhura të tjera. Nëna e Xhaferraj punon në rajonin nr2, ndërsa babai punon në zyren e ALUIZNIT.
Deklarimi i të ardhurave të kësaj të fundit është i rremë. Kryetari i bashkise nga mbledhja e Këshillit deklaroi se kushdo me të ardhura mbi normën e caktuar që është fiks ajo që Xhaferraj ka deklaruar, do të përjashtoheshin.
Ndërkohë që, edhe kriteri i mos pasjes në pronësi një tjetër banesë, pasi familja e saj, disponon banesë në qytetin e Vlorës.
Discussion about this post