“BDI ka promovuar konceptim e kandidatit të përbashkët, kandidatit koncensual, dhe sot e arritëm me sukses rrumbullakimin e kësaj filozofie politike e cila vjen si rrjedhojë e përmbylljes së pjesës normative të Marrëveshjes së Ohrit dhe si nevojë për parandalimin e margjinazilimit të votës shqiptare. Gjithë e dimë se një kandidat shqiptar me përkrahjen e vetëm partive shqiptare nuk mund të fitoj, mirëpo sot një kandidat konsensual midis dy komuniteteve të mëdha shumicë, maqedonasve dhe shqiptarëve mund të fitojë. Sot ai është Stevo pendarovski, nesër mund të jetë shqiptar” – deklaroi Artan Grubi, sekretar organizativ i BDI-së.
Gjatë mbledhjes së Këshillit të Përgjithshëm të BDI-së , prezent ishte edhe vet kandidati Pendarovski. Ai para anëtarëve të Këshillit shpalosi vizionin e tij si kandidat për president shteti, duke u zotuar se do të angazhohet për një Maqedoni te barabarte për të gjithë.
“Koncepti im ka qenë dhe do mbetet “Maqedonia për të gjithë”, ku askush nuk do jetë i shkelur ku askush nuk guxon të ketë qytetarë të rendit të dytë apo të tretë. Nuk guxon të ketë të privilegjuar shkaku i përkatësisë së një komuniteti apo ndonjë religjion a partie politike. Absolutisht gjithë janë të njëjtë për mua. Me këtë koncept dola edhe para ca vitesh, edhe në vitin 2014 dhe 2016 isha një nga kandidatët e zgjedhjeve të asaj kohe si bartës në dhjetor. Tek unë ndërrime të theksuara nuk do të ketë. Besoj në këtë koncept” – u shpreh Stevo Pendarovski, kandidat për president.
Bashkimi Demokratik për integrim në mbledhjen e sotme të këshillit të përgjithshëm, vendosi po ashtu edhe për drejtuesin e shtabit të partisë e që do jetë nënkryetari i partisë Izet Mexhiti, ndërsa është biseduar edhe për organizimin e zgjedhjeve lokale në Dibër dhe për Kongresin e Forumit të gruas,/Alsat
Discussion about this post