Një autobus ka shpërthyer të dielën në mëngjes në qendër të Stokholmit pasi u përplas në një pengesë në hyrje të një tuneli. Një gazetë suedeze ka raportuar se në autobus nuk ka pasur pasagjerë, ndërsa shoferi është dërguar në spital.
Shërbimet e emergjencës kanë pranuar një thirrje për aksidentin pranë tunelit “Klara” në Stokholmin qendror rreth orës 11:25 sipas kohës lokale.
“E dëgjova një shpërthim të madh dhe më pas disa shpërthime më të vogla. Tingëllonte sikur skelat e një ndërtese po rrëzohen. Mendova se është sulm terrorist”, tha Björn Wallentin, dëshmitar i këtij shpërthimi.
Shkaktari i këtij aksidenti ende nuk dihet, por nuk ka shenja se ky rast është i lidhur me terrorizëm. Policia e Stokholmit i ka thënë gazetës “Aftonbladet” se autobusi ka pëdorur gazin natyror si lëndë djegëse.
Pas përplasjes, një shtëllungë e madhe e tymit të zi është parë në qiellin e kryeqytetit suedez, ndërsa zjarrëfikësit e kanë shuar zjarrin në orën 12 e 4 minuta, shkruan “The NeW York Times”.
Discussion about this post