Ish-ministri i Drejtësisë, Ylli Manjani ka deklaruar se duhet të bëhen të njohur për publikun të gjitha materialet që kanë të bëjnë me blerjen e votave nga cilido subjekt politik që e ka bërë.
Sipas Manjanit populli duhet ta dijë me çdo çmim nëse është Rama, Basha, apo Krzemadhi, pasi sipas tij nuk shkon më e e folura declarative në publik, ku gjithnjë kundërshtari sipas tij “ka bërë e bën namin, ndaj dhe ka frikë”.
Përmes një postimi në rrjetet sociale, ish-ministri thotë se, “Publiku duhet të kuptojë se për cfarë bëhet fjalë, duke i dëgjuar vetë ato përgjime, ose duke u njohur me fakte konkrete, të cilat ligjërisht mesa duket i ka hëngër dreqi…! Kështu realisht i merr vetë në dorë populli fatet e veta”.
Statusi i plotë:
Me të drejtë të ligjit të robit n’tokë e të zotit n’qiell, çdo shqiptar e meriton të dijë se kush janë zyrtarët e tjerë të përgjuar me punët e blerjes së votave.
Meriton të dijë kush bleu dhe sa bleu?! Nëse është Rama, Luli apo Monika duhet ta dijë. Me çdo çmim!
Nuk shkon më e folura deklarative në publik, ku gjithnjë kundërshtari “ka bërë e bën namin, ndaj dhe ka frikë”…
Kush ka fakte duhet ti deklarojë në publik! Punë e madhe se do ti thonë “kazan” apo do të denkncohet për shpifje!
Aq më tepër që Prokuroria nuk vepron, nevoja për t’u informuar bëhet parësore.
Publiku duhet të kuptojë se për cfarë bëhet fjalë, duke i dëgjuar vetë ato përgjime, ose duke u njohur me fakte konkrete, të cilat ligjërisht mesa duket i ka hëngër dreqi…!
Kështu realisht i merr vetë në dorë populli fatet e veta…
(F.GJ/FAXWEB.AL)
