Gjatë vizitës në Korçë kreu i PD Lulëzim Basha pati dhe një takim me studentët ku ndër të tjera u premtoi se partinë të cilën e udhëheq do ta kenë gjithmonë mbështetje.
“Detyra e PD është që të shtrojë rrugën për të ardhmen e këtij brezi të mrekullueshëm. Nuk ka inferioritet me moshatarët euriopian, por jemi në inferioritet në raport me qeverinë. Akoma bën sikur është zot i fateve tona, por nuk është ashtu“, tha Basha.
Por ka qenë një i ri i cili ka folur dhe ka treguar çfarë kërkojnë bashkëmoshatarët e tij nga Shqipëria.
“Rinia shqiptare kërkon vetëm që ta ndërtojë të ardhmen e saj këtu në Shqipëri pa u detyruar të largohet”, është shprehur ai.
Ai ka treguar që është i detyruar të punojë arat në fshat për të mbijetuar dhe megjithatë askush nuk mund ta diskriminojë apo paragjykojë.
“Ne nga kjo qeveri paguajmë një haraç më shumë. Ai na quajti shpellarë. Sot kam ardhur me kallo në duar nga puna e fshati, nuk mund të më diskriminojë as Edi Rama dhe as Donald Trump. Ëndrrat tona janë e ardhmja jonë. Ne nuk kemi kusur që të vuajmë jashtë shteti dhe ne të ardhmen duam ta kemi këtu”, i tha i riu kryedemokratit Basha.
