Situata politike në vend, zgjedhjet lokale dhe kongresi i 23 marsit, kanë bërë që kryeministri Edi Rama të mbledhë nesër në darkë pune në Elbasan Ministrat, kryesinë e PS dhe deputetët.
Darka e Ramës me ekipin socialist do të mbahet nesër në 18:30 në Elbasan, ndërsa nuk dihet nëse do të ketë ndonjë protestë nga ana e opozitës, siç ka ndodhur në takimet e fundit të kryeministrit.
Rama pritet që në 23 Mars të zyrtarizojë emrat e PS-së për të gjitha Bashkitë e vendit. Nga ana tjetër në 16 Mars opozita e bashkuar pritet që të mbajë një protestë përpara kryeministrisë, që sipas tyre do të jetë më e madhja që vendi ka njohur.
Mbledhja e Ramës në Elbasan bëhet pas seancës së parashikuar në Kuvend, e cila është spostuar një ditë më parë, pasi e enjtja është festa zyrtare e Ditës së Verës.
Nuk dihet nëse Rama do të qëndrojë dhe përgjatë datës 14 në Elbasan, dhe do tiu bashkohet festimeve për Ditën e Verës.
(E.K/FAXWEB.AL)
Discussion about this post