Fëmijët italianë nuk do të lejohen që të regjistrohen në shkollë pa paraqitur vërtetimin që janë vaksinuar. Ky urdhër vjen pas shumë debateve mbi vaksinimin.
Prindërit rrezikohen që të gjobiten deri në 500 euro nëse dërgojnë të pavaksinuar fëmijët në shkollë. Ndërsa fëmijët nën 6 vjeç as nuk do të lejohen që të regjistrohen në shkollë.
Ky ligj i ri vjen pas shtimit të rasteve me fruth. Ligji i ri quhet Lorenzin, që mban emrin e ish-ministrit italian të Shëndetësisë, i cili kërkoi me detyrim që fëmijët të bëjnë disa vaksina para se të ndjekin ciklin shkollor dhe gjatë saj.
Në vaksinat që kërkohen të bëhen patjetër janë: Vaksina kundër lisë së dhenve, poliomieliti, fruthi, kundër shytave dhe rubeolës. Fëmijët deri në moshën 6 vjeç do përjashtohen nga kopshti nëse prindërit nuk paraqesin raportin ku tregojnë se janë bërë vaksinat. Ata të moshës deri në 16 vjeç nuk do ndalohen nga ndjekja e shkollës, por janë prindërit ata që do gjobiten nëse nuk i orientojnë fëmijët të shkojnë të bëjnë vaksinat e detyrueshme.
E pyetur nga gazetari i La Repubblica, ministrja e Shëndetësisë Giulia Grillo tha se afati është shtyrë nga data 10 mars që ishte vendosur. Por ajo u tregua e qartë: Nëse nuk bën vaksinën, nuk ka shkollë!
Ligji i ri u miratua për të rritur shkallën e vaksinimit nga nën 80% në objektivin 95% të vendosur nga Organizata Botërore e Shëndetësisë.
Burimi: BBC / Shendeti.com.al
Discussion about this post