Seanca e sotme në Kuvend zyrtarizoi dhe 7 deputetët e rinj që morën mandatin, të gatshëm për të krijuar atë që quhet opozita e re, pas largimit të PD-së dhe të LSI-së.
Kështu në Kuvend morën mandatin: Lefter Maliqi, Alban Zeneli, Ligoraq Karamelo, Majlinda Halilaj, Ediola Braha, Edlira Hyseni, Elda Hoti. Gjatë seancës është shënuar dhe një moment paksa komik, kur ish-ministri Arben Ahmetaj iu drejtua deputetëve të rinj me fjalët se po nderonin atdheun.
‘Ju uroj suksese dhe do ju kërkoj miqësisht dhe personalisht, mos kini komplekse për atë që keni bërë. Sepse ajo që keni bërë është detyra për atdheun. Ju uroj suksese dhe të ngriheni në lartësinë e debatit dhe jo të debatit të sharjeve dhe fyerjeve’, inkurajoi Ahmetaj kolegët e rinj të ‘opozitës’.
Kujtojmë se porositë e socialistëve ishin të qarta, dhënë nga ana e Ramës. Asnjë prej deputetëve nuk duhet ti afrohej opozitës së re, pasi do të shihej si një formë pazari dhe një joshje ndaj tyre.
(E.K/FAXWEB.AL)
Discussion about this post