E motra drejt krijimit të një partie të re? Ja gjesti që bën sot Kiri Hajdari (Video)

Kiri Hajdari vijon që të qëndrojë në opozitë me vendimin e motrës së tij për të mbajtur mandatin e deputetes.

Djali i Azem Hajdarit është shfaqur sërish sot në protestën e opozitës, teksa shihet duke u përqafuar me kryedemokratin Lulzim Basha.

Opozita thirri sot një protestë masive ku kërkohet dorëheqja e kryeministrit Rama, ngritja e një qeverie teknike si dhe mbajtja e zgjedhjeve të parakohshme.

Liderët e opozitës prej disa javësh janë në protesta të vazhdueshme kundër qeverisë Rama 2 pasi sipas tyre vullneti i votuesve në  zgjedhjet e 2017-s është deformuar nga shitblerja e votës. Korrupsioni dhe trafiku i drogës gjithashtu sipas opozitës po e çon vendin në degradim ekonomik dhe social.