”Rama e humbi bastin”, Basha drejt mbylljes së protestës: Zotohem para jush dhe përpara Shqipërisë!

Lulzim Basha ka mbajtur një fjalim në selinë blu, ku ka bërë mbylljen e protestës së sotme.

Basha premtoi për vazhdimin e betejës në cdo lagje e fshat, në cdo qytet. Ashtu si edhe me herët, fjala e tij, edhe protesta, është mbyllur me himin kombëtar.

Pavarësisht se ishte thënë se protesta e sotme do të sillte rrëzimin e Edi Ramës, duket se Basha dhe Kryemadhi do të vijojnë me tubimet e përmuajshme.

Pjesë nga fjalimi i Bashës:

E sotmja hyri në historinë tonë si dita e dytë e zgjimit kombëtar, si dita e bashkimit më të madh që Tirana ka njohur. Çdo shqiptar është sot me ne.

Më në panik se kurrë kufoma politike e Edi Ramës provokoi dhunën ndaj protestuesve me të vetmin qëllim për ti trembur nga rruga e protestës, por përgjigjen e mori nga populli. Kriminelët do të marrin përgjigjen e duhur para ligjit, për këtë zotohem përpara jush dhe përpara Shqipërisë.

E gjithë bota e ka parë sot vendosmërinë e një populli që të vërë përpara drejtësisë ata kriminelë. Nuk ka rrugë tjetër për të kthyer demokracinë përveç protestave popullore.  Edi Rama kishte vënë bast që protesta e sotme do të ishte më e vogël, po e humbi bastin dhe u fsheh si mi.

Basha u çoi dhe ndërkombëtarëve një mesazh në anglisht duke theksuar se nuk do të ketë stabilitet pa demokraci.

“No stability without democracy, no stability without justice, no stability without equality before the law.”, tha ai.

Më herët ambasadori britanik Duncan Norman ishte i vetmi që reagoi duke kërkuar shmangien e dhunës gjatë protestës.

Ndërsa ambasada e BE-së, ajo amerikane apo ambasada të tjera nuk kanë shpërndarë sot asnjë reagim në lidhje me protestën e opozitës.

(E.K/FAXWEB.AL)