Krim mes shqiptarësh/ Vritet roja i kazinosë, autori dyshohet të jetë një polic (Detajet)

Jetmir Alijaj 35-vjeç nga Mushtishti i Suharekës, ka mbetur i vrarë ditën e djeshme pas të shtënave me armë zjarri në një kazino, ku ai ishte roje siugurie.

Paraprakisht dyshohet se personi që ka qëlluar mbi Alijajn është një pjesëtarë i policisë së Kosovës, me inicialet, Sh.S.

Motivet e kësaj vrasje, ende nuk janë bërë të ditura, ndonëse dyshohet se vrasja erdhi pas një përpjekje për ta grabitur kazinon. Jozyrtarisht mësohet se viktima e ka identifikuar grabitësin, i cili më pas ka qëlluar në drejtim të tij.

Ndërkohë që personi që dyshohet të jetë autor i vrasjes është arrestuar nga ana e policisë, dhe janë ushtruar kontrolle të shumta në banesën e tij.

Ndërkohë që në familjen Alijaj janë hapur dyert e mortit, ndërsa kushërinjtë e 35 vjeçarit shprehen se ai nuk ka pasur konflikte me askënd dhe ka qenë një djalë i qetë.