Jo më larg se para një jave këngëtarja e njohur, Xhensila Myrtezaj replikoj në Instagram duke u sharë dhe ofenduar me një komentuese që pretendonte se vajza e këngëtares ishte me “Sindromë Down”.
Duket se replika e Xhensilës ka prekur jo vetëm prindër që kanë një fëmijë me ‘Sindromë Down’, por gjithashtu dhe themelueses se ‘Down Syndrome Albania’, e cila jo vetëm ka dënuar veprimin e këngëtares duke i kujtuar asaj dhe kohët kur ajo bëntë bamirësi për fëmijët me nevoja të veçanta.
“Heu bre mi Xhensilë! Të mendosh që dhe vijnë e këndojnë për “t’i dhënë zë” kauzës tonë! (Yes yes faji im që çoj ftesa lart e poshtë ke VIP-sat)”, është shprehur Emanuela Pepkola Zaimi në një postim në Facebook.
Më tej ajo vijon: “Komentuesi ka shpifur ndërsa …Xhensilës i ka ik truri vetëm nga mendimi që mund ta kishte gocën “e mangët”… dhe vazhdon me sharje diagnozash për t’i vënë kapak. Shpifjen e dimë çfarë është…po këtij reagimit të Xhensilës si t’ja vëmë emrin?
..Tamam ju të mediave, pse dreqin nuk bëni si ju kërkon Xhensila? ?…Na ngrini nervat në pritje të ditës së Verës”.
Emanuela Pepkola Zaimi në komentet e statusit të saj i ka kujtuar, po këngëtares kur dirdhte lot para kamerave dhe kur i ka dhuruar varësen e saj me kryq një vajze me ‘Sindromë Down’.
“Po pati kamera, jemi të mirët e botës dhe i duam të gjithë
“Jo jo…gjithë dashni ka qenë…madje i dhuroi kryqin e saj një vajze me SD. Nuk është aty problemi… Nuk ka faj…aq di aq thotë”.- përfundon reagimin drejtoresha.
Edhe pse Xhensila e ka mbrojtur vajzën e saj me ndjenjën e mëmësisë duket paksa kontraverse që të bësh bamirësi për fëmijët me nevoja të veçanta dhe të reagosh në atë mënyrë kur përmendet e bija.
Discussion about this post