Policia e Laçit ka shoqëruar 5 persona si të dyshuar për shpërthimin me eksploziv në shtyllën e tensionit të lartë në afërsi te fabrikës së çimentos në Thumanë. Të shoqëruarit janë kontigjent dhe elementë të dyshuar jo vetëm për këtë akt.
Kjo ngjarje që ndodhi dje në Laç u bë objekt dhe i përplasjeve politike, ku mazhoranca bënte me faj dhe përgjegjës eksponentë të opozitës. Kështu zëdhënësja e qeverisa Elisa Spiropali shkuante:
“Vesi del me shpirtin! Goditet me tritol linja e transmetimit 400 KË në Laç dhe pas 30 vjetësh kapituj sherresh e rrëmujash të nxitura nga e njëjta dorë, dihet kush u bie shtyllave nga tërbimi i dëshpërimit! E keni kot, hidhuni përpjetë sa të doni, këtë vend mbrapa dot s’e ktheni”.
Nga ana tjetër kreu i grupit parlamentar të PS-së, Taulant Balla ka deklaruar se aktet e dhunës janë të komanduara nga Basha dhe Berisha, që sipas tij synojnë që me këto skena të nxijnë fytyrën e Shqipërisë.
“Aktet e dhunës te komanduara nga Basha dhe Berisha, sikurse rikthimi i sotëm tek triotoli ndaj shtyllave të tensionit të lartë, synojnë të nxijnë fytyrën e Shqipërisë dhe gjithë shqiptarëve.
Sot jemi dëshmitarë që prej ditësh PD dhe LSI kanë ndërmarrë një sulm kundër të ardhmes së Shqipërisë. Sulmit më të furishëm kundër reformës në drejtësi dhe ëndrrës tonë Europiane. Nëse do te fitonte rruga e dhunes e zgjedhur nga Basha, e sigurt eshte se Shqipëria do te humbte.
Të gjitha maskat kane rene. Ata që vranë protestuesit para 8 vitesh, ata qe shfarosen Gerdecin, tani duan të vijnë perseri në pushtet përmes forces, dhunës dhe sot edhe me tritol. Politikanet e vjeter, te frikesuar nga drejtesia e re qe po vjen, jane bere te gjithe bashke per te mbrojtur interesat e tyre personale, si gjithemone ne kurriz te shqiptareve”, shkruante Balla në rrjetet sociale.
(E.K/FAXWEB.AL)
Discussion about this post